雄B+Ceci=王生王師奶

歡迎大家參觀 王師奶生活誌

2008年7月25號

終於都等到牙醫有時間幫我買起隻智慧齒...

一入到牙醫間房我就已經霹靂驚..我未試過要落麻醉藥開刀

去剝牙架...真係好驚....加上d同事話俾我知係d牙肉到打麻醉藥

係好痛架....所以係打麻醉藥之前我勁問醫生痛唔痛..

當然醫生梗係話唔痛啦...打完之後..我覺得佢講大話...根本係勁痛

之後塊面同個咀開始麻痺...我都仲要問醫生..打左麻醉藥係咪一d

都唔痛...點知佢答我99%唔痛.....嘩..頭先話打針唔痛都痛到我飛起

而家同我講話有99%唔痛...係咪玩野先..諗諗下都係唔好...叫醫生

俾定d止痛藥我食先..我相信雙管齊下就應該唔痛...哈哈哈哈

我果然醒目~~ 經過左40分鐘..牙醫終於幫我剝左隻智慧齒出黎喇

隻智慧齒血淋淋咁放係條白雪雪既毛巾上面....我心裡面同佢講左

一句"真係唔該哂你"之後...就叫醫生幫我將佢人間蒸發....安落哂

痛左我2個月既智慧齒...唔止用左我1500個大洋去買起佢...

仲要我塊面到而家都係腫架....死人智慧齒..真係唔該哂你囉~~

真係好羨慕同學仔Jessica..點解生個女可以咁鬼可愛架~~

我真係超級霹靂十萬個妒忌...大家睇下一個星期大既Gladys..

果然係一個美女~~ 哎呀...好想抱下佢呀~~ 錫下佢個面豬仔呀...

睇下Gladys D皮膚...終於見到唔關SK II事, 無左個"E"既雞蛋

好滑.....好滑 ~~  Bi Bi...Un Ku Ku~

2008年7月13號既零晨...同學仔 Jessica個囡囡終於都出世喇~~

哈哈哈~~~ 7磅幾 ~~~ 好精靈架 ~~ 我7月14號即刻飛去睇BB

BB已經改左英文名叫Gladys.... 雖然Gladys出左世只不過係2日

但係佢唔似其他BB咁成日sleeping..Gladys眼仔碌碌咁成晚周圍望

仲諗住淨係影到Gladys sleeping既樣...點知Gladys已經周圍望...

又識望鏡頭...我地傾計又望住我地喎....哈哈哈...好鬼醒目

Jessica岩岩生完2日之麻...個身同埋D手手腳腳已經瘦返哂...

淨係個肚未收咋...係後面睇我覺得我似岩岩生完多過佢似囉~~

激死.....Jessica話生 Gladys果陣 Gladys係佢肚裡面痾左屎...

所以 Gladys係周身屎咁出世..最搞笑就係D姑娘係 Gladys岩岩

出世周身都係屎果陣同 Jessica講" BB出左世喇..

媽咪錫一啖先沖涼" ..幾好笑呀

迫於無奈 Jessica唯有錫周身屎既Gladys一啖....呵呵呵呵呵呵

仲有 Jessica囝囝旻諾好好笑...12號果晚 Jessica係屋企穿羊水架

嚇到旻諾勁喊之餘...仲搞左好多笑料出黎...

Jessica :媽咪而家(夜晚)要去生妹妹喇

旻諾喊住講 : 點解要咁夜生架..咁你去邊到生呀???

Jessica :媽咪要去法國醫院生囉

旻諾喊住講 : 點解要去法國咁遠生呀...

旻諾以為Jessica搭飛機去法國生

小朋友就真係小朋友.....俾旻諾笑死~~

Happy Birthday To You You... Happy Birthday To You You

今日係我個好姐妹阿婆Venus既大壽....恭喜哂佢..終於都2x歲

祝佢2x歲都卜卜脆...日日都咁happy~~

我希望佢快d嫁出去..仲要係嫁個勁錫佢既有錢人..

早D加入我呢個師奶行列...你一嫁我就唔再返工...

陪你做闊太...日日去半島食Tea...之後就去行LV, Gucci....

哈哈哈哈....你話人生裡面有我呢個姐妹係咪無得頂..

今日玩得開心D喇~~~飲杯!!!!!

2008年8月15號 -- 費奶團成立既大日子.

咩野係"費奶團"..哈哈哈.."費奶"唔係"廢拉"

費奶 = 台北費加洛師奶團..

呢張就係"費奶團"成立日影既相..雖然未齊人....

但都要影返張相留念

介紹下先 : 上面左至右有Ruby,哥斯拉, Ada, Miss, elel

下面左至右有Midco, Janet, 會長, 仲有我~~

點解會有"費奶"既出現 ?? 我都唔係咁相信...

我因為結婚而識到呢班姊妹..

我地大家不約而同係2006年既會展,

俾"台北費加洛婚禮"呢間影婚紗相既

公司吸引左而走去結婚既一班美少女~~

之後由2007年11月開始..一個二個開始結婚成為師奶..

直到2008年5月..所有美少女變哂師奶..

而呢個"費奶團"就係由果陣開始籌備架喇~~

每一次gathering都嘈到拆天..仲記得我地大家岩岩影完婚紗相

之後既第一次gathering..係由7點開始邊食邊傾..

傾到人地要收工趕我地走...哈哈~~

真係好開心可以識到各位"費奶"....我地真係有緣....

由細細個返學開始, 我就已經好鍾意打8號風球..哈哈哈

雖然打風會對某一d人造成好多唔方便或者傷害..

但係我都係支持打風掛8號風球...打9號或者10號仲好..

細個唔想返學就望打風..到大個做野唔想返工又望打風

哈哈... 今次呢個颱風鸚鵡好勁..朝早6點已經話8點前

會掛8號風球..點知唔洗一陣就變左8號風球...

到左中午12點又話會改發更高風球...呵呵呵~~

 今日睇個勢應該可以打風打足一日~~

Yeah~~可以休息一日喇..公司個公主實激死

一定激氣激到爆燈~~有可能已經變左雞泡魚

我終於都知道唔鍾意打風既人係邊個傻仔lu..

今日就等我同我老公雄B係屋企睇劇睇足一日啦..

公主....我地好開心呀 ...HAHAHAHAHAHAHA

2008年8月23日

正所謂"有心唔怕遲" ,"遲到都好過無到'"..哈哈哈

多謝一班大學既同學幫我搞一個"遲來的生日會"..

點解咁遲..因為我 7月生日果陣..同學仔Jessica去左生BB..

而佢地好有心咁堅持要同我切蛋糕...







仲有特別嘉賓幫我慶祝生日添呀~~ 佢就係蜘蛛俠喇~~

為左慶祝阿婆Venus新居入伙..所以我地4位美少女就搞左個聚會

為求俾D人氣同旺氣Venus新居...禽日就去左踩場...

新屋裝修唔錯..乾乾淨淨...好舒服

麥C為左搞氣氛..仲專登著左一條裙同屋主D cushion鬼死咁

match,,,大家睇下....如果屋主D牆紙同D cushion一樣..

我相信麥C企左埋去牆果度係可以即刻消失係呢個世界囉~~

呵呵呵呵~~夠膽死襯到咁喎~~

我地食完PIZZA就開始係度講人是非...最搞笑就係講朋友個朋友

佢地係一對情侶..男方極度鍾意女方...仲要係男方既世界..

女方係靚到天上有,地下無果隻..男方就黎要用個保險箱鎖起個女

方..話說有一日呢對情侶去餐廳食飯, 侍應安排佢地坐係接近

商場走廊既窗旁..男方極度不滿仲要求轉檯...目的係唔想係商場

行街既人望佢女朋友..之後仲捉住女方隻手同佢講自己有幾愛佢..<

Sean BB真係無得頂..勁好玩...仲好好笑容...好鬼得意~~

禽日Co姐帶Sean BB黎大埔參加生日會...

之後就call左我同麥C去大埔中心食Tea...

有得玩Sean BB..無化妝都要去呀~~

Sean BB真係好乖..全程喊都無喊過~~

俾我郁黎郁去..我仲幫佢手指公掂腳指公...又了Sean BB腳板底

Sean BB都係四萬咁口係到笑...真係好可愛架~~

今日老公放工返黎俾左一封信我... WOW~~~

係"飛輪海想入飛飛"演唱會飛呀...勁開心

坐 L 行姐係第12行啦...如果有得上堂同吳尊合唱

我一定舉手....仲要大嗌"我..我..我..我呀.."

諗諗下舉手都係唔掂..都係即刻衝上台穩陣D...呵呵呵

要快D買定靚衫..我要同吳尊合唱呀..

哎呀..已經開心到訓唔著添....

唉...真係好無癮...點解要咁對我呀...

今年人地第一年以老婆既身份幫老公雄B慶祝生日..

我仲已經開始籌備11月點樣慶祝同埋去邊慶祝....

點知頭先開信箱...收到學校考試時間表...

未睇完已經想喊....簡直係晴天霹靂...

老公雄B生日既正日我要考試....我要考試..我竟然要考試呀

仲要由 6 點考到 10 點....10點呀.....咁做洗慶祝既

食宵夜慶祝咩...野~我唔滯我唔滯我唔滯我唔滯我唔滯我唔滯....

真係想打人...唉... 五億九千四佰九十萬個唔開心.....

激死我激死我激死我激死我激死我激死我激死我激死我激死我

我決定左...超~~ 唔俾我正日同老公慶祝生日呀喇....

我就係老公雄B生日前3日開始慶祝...慶祝 3 日 3 夜..不眠不休..

搞個史無前例鬼死咁大既生日會...一樣可以令我老公好開心姐....

哈哈哈哈....吹咩.想玩我..無咁易.....唱返首歌先~~~


 "命運就算顛沛流離 命運就算曲折離奇

  命運就算恐嚇著你做人沒趣味

別流淚  心酸  更不應捨棄

我願能  一生永遠陪伴你".........開心番LU...妖

今年中秋節, Form 7班同學仔諗住搞活動一齊聚下...

因為大家都比較忙..所以我地用e-mail聯絡大家..

但係今次竟然有個同學串我..我嬲到震.... 正賤精

呢個中秋活動約左9月13號晚食飯...咁我老公雄B之前講左

話9月13號要做節..所以我唯有同D同學仔講我要做完節先黎..

後尾老公雄B話費事我無得同D同學食飯傾八婆野..

所以改左9月12做節...我老公雄B對我同D同學咁好

我咪覆個e-mail俾D同學仔話我老公對大家幾好..

為左我可以出席呢個中秋活動特登將屋企做節改期...

點知有個男同學回覆

"唔該果D結左婚既同學唔好強調自己結左婚, 知你幸福架喇"

妖~~ 關你叉事呀..咩唔該果D結左婚既同學呀...

成班同學得我一個結左婚之麻..你妒忌咪出聲囉...

洗唔洗咁講野先..你同我講話我D幸福hurt到你我一定會收聲囉.

我覺得你直接講"湯同學..唔好哂命啦" ..我反而唔嬲囉

而家咩咁大件事姐..要暗示話我..最憎人單單打打...

男人老狗講野都唔經大腦..讀屎片架...所以我回覆左一個

e-mail俾呢個賤精  "我對你果句說話好反感,

成班同學得我一個結左婚,你要話我咪直接D囉" ...

呢個人正一非洲和尚....."黑人僧(憎)"

中秋節唔知點解一定要BBQ先開心....

我仲買定楊桃燈籠去玩添呀.....大家睇下當晚個月亮幾圓..

不過細左D~~ 邊到係月亮??? 最高白色一點果個就月亮喇...

個個人見到我個楊桃燈籠都話靚...不過又話我唔環保喎...

傻既..呢個燈籠我準備玩十年架...睇下我幾環保..哈哈哈

今次BBQ要多謝小榮既邀請...所以我要同小榮影返張相~~

小榮..你真係愈黎愈似聰明笨伯果個董輝呀....哈哈哈哈

BBQ之前同老公雄B玩下影相....

著黃色衫既東仔真醒目..竟然記得挺胸收腹..

唔怪得無左個喜力BB...

原來今次BBQ最重要既環節唔係燒雞翼...

賭王大賽先至係成晚既焦點....

大家睇下我老公雄B....麻雀大亨...幾勁呀

點知輸左俾人OUT左出局....轉個頭又走去鬥地主...

唔知有無WIN...

不過我淨係知檯面果D錢我應該有得分~~~呵呵呵呵

賭局唔岩我...都係食野最岩我...成晚D野食都好豐富..

有鮑魚,龍蝦仔,扇貝,羊仔脾,花甲,鰻魚,鴨胸,三文魚頭...yummy