歡迎大家參觀 王師奶生活誌
雄B+Ceci=王生王師奶
30/12約左大學同學Jessica同Esther去尖沙咀食lunch,
順便幫我個可愛花仔旻諾(Jessica囝囝)去買花仔衫.....
旻諾平時斯斯文文..但玩係上黎都幾癲下架..係食日本野間餐廳到
擺左好多瘋狂姿態.....
我話哂係細路仔殺手...旻諾又點會唔跟實我呀..呵呵
係尖沙咀我地一路行見到咩都影一餐...旻諾同我都好鍾意
擺唔同既姿勢影相....我地兩個岩key到痺....
旻諾話要我去佢屋企訓..要同佢一齊訓...之後仲話大個仔搵到錢
會買佢屋企隔離個單位俾我住....真係抵錫...佢屋企係豪宅屋苑
黎架~~我呢次仲唔發....呵呵呵...不枉我搵你做花仔呀...
人仔細細既旻諾已經有個偉大理想..就係做男子漢+警察..
所以佢一聽到男子漢同警察會做既野..佢都即刻會做...
當日就有3件事可以知道旻諾係幾咁想做男子漢+警察
(1)係日本餐廳到..飲果杯茶係苦苦地既..旻諾飲左一啖就話
苦..唔飲...之後我就話男子漢先飲苦茶架..我都未講完
旻諾就飲哂杯苦茶
(2)行行下街,旻諾話眼訓要Jessica抱,之後我就話警察唔會
下晝訓覺架...訓左覺會有壞人偷警察枝槍...旻諾鬼咁認真
信哂我..仲即刻話唔訓..要周圍望下有無壞人
(3) Jessica話D 男人唔怕凍..得10度都係著一件衫就算..
旻諾聽完之後...3秒都唔洗就將著緊果件褸除左兼FING落地
哈哈哈~~小朋友成日學做大人....真係唔知好嬲定好笑
之後我地去左尖東搵另外一個同學安安...其實係搵佢對孖女就真
29/12中7班同學仔話上去我未來個屋企打邊爐...
我當然舉腳贊成啦...一黎順便派帖...二黎係屋企打邊爐點都
平過係街打啦....我仲有20日就係師奶黎喇..要學慳家架喇..呵呵
首先要介紹一下D同學仔先..如果唔係我描述番當晚D搞笑野果陣
大家都唔知我講緊邊個....
其實Mrs. Chan 同 Ki Ki都唔係我既中學...不過佢2個係我同學
既女友...咁我都當佢地係我同學既一份子..但果個路人甲就真
係路人甲...身份不明....但就抽左我地成晚其中一份幾正既禮物
當晚打邊爐..係Paddy(肥馬), Chris, Miss Lam
首先上到雄B屋企,佢地3個人已經買左勁多野食...
一大袋丸+腸...一大袋肥牛..一大袋豬肉,羊肉,駝鳥肉...
兩大袋菜....一大袋魚...總知就勁多野食啦..
點知之後到Kanas同Renee上黎果陣又勁買一袋菜,
一袋蕃茄,一袋薯仔,一袋粟米....
點知再到Roy(歐陽)上黎果陣又買一袋粟米....
搞到勁多野食唔哂喎....但係十幾人每人都係夾六十幾蚊
又真係抵到爛呀....食完野就開始玩抽獎...
個抽獎講到明話要買同"老鼠"有關既野..因為出年係鼠年..
點知好多個同學都是但買D野黎抽獎...有個同學仲拎
公司副麻將當禮物抽...我以為我衰啦..係公司問同事拎D
Mickey& Minnie公仔Sample當自己買既禮物...
點知原來Adam(何伯)仲衰..佢果份係屋企拎既...
哈哈哈...果然係同學呀....不過歐陽話佢份禮物揀左好耐
仲話好有心思喎...車....滑鼠之麻...仲要係一個3級滑鼠
<--同佢個人一樣..買份禮物都咸濕過人...
始早嚇親 Ki Ki就搵鬼要你喇~~
當晚最有心思既禮物..一定要講Kanas份禮物...
份禮物簡單黎講係"中7同學回憶相片紀念相簿"
俾肥馬抽左...都岩既~~張張相都有肥馬份....
當中仲有張相肥馬塊面係尖架...所以係好應該俾肥馬自己留念
檢討一下佢做咩而家搞成咁..哈哈哈哈哈哈
而花左一番心思整呢份禮物既Kanas就抽到麻雀.....哈哈
即時面都黑埋.....
....笑都唔笑下
而我就笑得出喇~~~因為我同雄B都抽到正野~~
26/12呵呵呵...Boxing Day拆禮物....估唔到廿幾歲既我
都收到聖誕禮物....大家實在對我太好喇~~~
第一份係同事婉葵送俾我既Hello Kitty...
係婉葵自己DIY架~~幾鬼有心思呀....我好鍾意架
第二份係大學同學仔Qoobi送俾我既貓貓盒
岩哂我係公司用.....用黎放萬子夾不知幾正~~~
第三份就係大學同學Esther送俾我既'姑士"筆同磁石Melody夾
好cute架~~~有d唔捨得用....都係暫時keep起先
第四份就係公司同事Heather送俾我既Hello Kitty聖誕襪
真係靚到痺....襯哂我...我唔理係咪聖誕我都要掛係廳
醒目.....Heather果然醒目...知道我鍾意咩....哈哈
第五份就係費人會長送俾我既朱古力....真係sweet sweet
個packaging好靚...岩哂我同雄b結婚...係迪士尼買架
第六份同第七份都係我妹妹男朋友小許係德國工幹
買番黎俾我既手信兼禮物...係聖嬰耶穌誕生既紀念牌
同埋bear bear熊糖...小許始終都覺得我係一個傻仔
你地話係唔係呀.....竟然係bear bear熊仔糖~~~
算吧啦~~~ 不如講下呢個聖誕我收到最鍾意既聖誕禮物啦
係雄b送俾我架.....但係正確黎講雄b佢自己都唔知佢送左禮物
俾我......因為係我屈佢架....仲有係我自己拎雄b既錢去買架
yeah~~~係飛輪海月曆...哈哈..唔俾我買..我偏要買
仲要用雄b既錢買....雄b你知道一定開心到飛上天..呵呵
21/12一如以往到左聖誕節, 我公司會係24號既lunch搞
大食會....而各個Department都會係公司大食會之前一日,
各自搞自己Department既大食會...我身位公司最重要既
Department裡面既一份子...當然有份做搞手啦~~~
我地叫"大X樂"到會~~色香味俱全....好味過隔離Department
叫既" X心"到會....
同事Mabel話我個食相表情十足....一定要影低留念...
我交足戲架......食完野之後....當然輪到抽禮物既環節
D禮物係咪勁豐富呢....哈哈哈...抽禮物前黎張合照先
最後我買既禮物..俾阿嬸Candy抽左 -->
而我就抽中阿婆Candy買既禮物 -->
你睇下我個樣幾唔滿意抽中阿婆Candy份禮物....
不過份禮物原來係化妝袋(我頭頂果個紅色化妝袋)....
又好岩我用喎....呵呵..算啦~~
其實我個Department唔係全女班架...之不過D男同事話唔玩
抽禮物....都岩既....如果男同事都玩...我地都唔知買咩禮物好
你地睇下上面張相就知我地唔
16/12準備左好耐既過大禮終於都到喇~~~
超級緊張....媽咪一早約好大舅母,姨媽同四伯娘黎飲茶
順便睇我過大禮同埋幫我搬嫁妝.....點知~~~
平時好少入大埔既大舅父同四伯都因為我過大禮而一齊去飲茶
媽咪話我面子真係大....各位實在對我太好喇~~感動!!!!
約好左雄B係1點吉時上到黎我屋企...唔知係咩既關係...
過大禮果陣我要哩入房...唔可以睇男家同女家玩交換大禮
所以我淨係靠聽佢地講既野想像出面既情形....
聽到佢地個個笑騎騎放毒蛇....我係房入面都好開心...
証明大家都好滿意D禮....無白費我D心機同時間去籌備..
真係值得....值得.....哈哈哈
交換完禮之後.....舅母,姨媽,四伯娘,Yo Yo同肥豬王
就幫我搬d嫁妝去雄B屋企...佢地去完返黎對雄B屋企個廁所
讚口不絕...話有5星級酒店既水準....
<---係雄B自己整架
今日過大禮咁順利..要多謝好多人..排名不分先後
大舅父大舅母
姨媽
四伯四伯娘
當然唔少得我媽咪啦~~
仲有無入鏡既爸爸,雄B,Yo Yo同肥豬王
15/12為左過大禮..我同雄B將所有精神同時間都攞哂去買野
我同雄B四出買齊哂所有男家過大禮用品....
椰子
潮州餅
松柏喜果利是
.....
買左一日野.....好似去左香港一日遊~~~
終於買完哂D野返到雄B屋企....行左成日, 雄B話行到腳痛
所以照一貫既慣例...佢係會飛身上床小睡片刻
而女家過大禮既野...我地亦都準備好哂....
大發紅包煎堆
蓮耦
子孫桶
嫁妝
16/2未結婚之前, 屋企有阿媽煮飯..所以廚房好少會有我D腳毛,
亦因為咁我先至會有"地獄廚神"既稱號.但係結左婚差唔多一個月
雄B有一日講話"人地娶個老婆番黎就有住家飯食既,
我娶個老婆番黎就要食飯盒" ..之後我怒啤佢一下...
雄B就笑笑口話"個老婆又唔係菲佣, 唔一定要識煮飯既..
靚就得啦~~"賤精呀!!! 我唔係唔煮..我係唔識煮..加上未學過
俾條友仔串我...所以我決定用我既天才加小宇宙...自己上網
搵食譜..親自下廚整餐住家飯俾雄B食...經過我一番思考...
我決定整(1)中式牛柳 (2)煎鮫魚 (3)蝦膠蒸豆腐 (4)燉鮮奶
一放工我就衝去街市...好可惜..星期六既兩點幾...街市好多
舖頭都未開...我唯有去超級市場買材料....去到超級市場...
我走去搵牛柳...搵黎搵去得雞柳同豬柳..無理由架...
但見到D寫住牛肉但個樣似牛柳既物體....我猶疑左一陣...
最後決定買左牛肉...因為覺得牛肉同牛柳煮出黎應該差唔多..
加上D牛肉個樣勁似牛柳..哈哈...之後就去買鮫魚...平時我
都係見到煎到金黃色熟哂既鮫魚..而從來未見過"生歐歐"既
鮫魚....我既印象中D鮫魚同其他魚唔同..因為通常鮫魚係
打橫切..中間既骨係十字架型...一片片咁既..
唔似其他魚成條有頭有尾...我去到魚櫃...睇哂D魚名都無鮫魚
但有一款魚佢既賣相就係我印象中鮫魚咁樣一片片..
中間有十字型魚骨...但呢款魚寫住叫馬友...我又猶疑左一陣.
最後決定買馬友..因為我覺得馬友應該係鮫魚既真名...哈哈
之後就買蝦...食譜教我自己整蝦膠...蝦好容易就買到..easy job
再買埋鮮奶...就可以返屋企準備晚餐....
買完d材料返到屋企梗係要洗洗洗..切切切..整左成2個半鐘先掂
5點幾雄B話口痕..我就決定提早食燉鮮奶...燉鮮奶做法超簡單
鮮奶,蛋,糖&水..溝埋佢之後蒸...嘩~~香噴噴熱辣辣既燉鮮奶
就完成左喇....
好味到痺...同係街食既無分別..呵呵呵...其實我根本有整野食
既天份...只不過我唔整之麻....哈哈哈..雄B都讚好味....
到夜晚..我用左一個半鐘煮飯.....大家睇下我既傑作..
(1)中式牛柳
(2)煎鮫魚 
(3)蝦膠蒸豆腐
果然..牛肉唔同牛柳...煮完之後D牛肉霹靂"UN"...
不過我跟食譜整既汁就好好味..雄B食哂D黃椒同洋蔥..
到煎魚...煎完之後我就知道鮫魚同馬友根本係兩種魚...
雖然煎之前馬友同鮫魚果樣差唔多...但煎完之後....
馬友係唔可以煎到變金黃色架...所以我知我買錯魚...
馬
17/2唔記得由邊年開始..我同4個金蘭姊妹無無聊聊學人
新年食團年飯OR開年飯...哈哈...人總係要俾D理由出黎聚一聚既
所以今年都唔例外...而今年我地選擇左食開年飯..因為新年前
大家實在太忙....開年飯選擇左係我屋企食盤菜....
出席既有Zoe, Zoe果honey阿生,CoCo, Venus,雄B同我
六條友...做導遊既Jessica因為要出團去韓國..所以黎唔到..
首先睇下我地個盤菜先...有鮑魚花膠海參瑤柱...真係幾好味
係唯一覺得唔夠食...但係呢個盤菜明明係 for 6個人食架...
可能我地大食啦....食完唔夠飽...
好彩...特登黎拜年兼拎利是既阿生...買左個haagen-Dazs
既朱古力火鍋俾我...我地就有飯後甜品食啦....哈哈哈
仲要買埋生果俾我地食..阿生真醒目..抵我俾封大利是你...
冰凍既雪糕放落暖既朱古力槳...拎起等一陣..
朱古力槳就變左脆皮....嘩~~擺落口食..好味到難意形容
簡直肥死都要食呀~~哈哈
好味到連病既雄B都忍唔住口要食返幾粒.....
9/2大年初三, 約左大學同學Jessica同Joey去馬鞍山郊野公園
玩燒雞翼~~本身Esther都去架..點知Esther係年初一同年初二
食左太多好野.....所以腸胃唔聽話黎唔到燒雞翼...
作為Esther既好同學...我係完成唔介意燒埋佢個份架~~哈哈哈
唔係Jessica介紹..我都唔知有個馬鞍山郊野公園...我見Jessica
帶埋佢老公,囝囝,爸爸同媽媽去燒雞翼....我當然唔會執輸..
我帶我老公雄B,細妹YoYo同細佬肥豬王去...呵呵呵..
我細妹YoYo不知幾期待去呢個BBQ..因為佢話掛住Jessica
個囝囝旻諾...相信大家都記得..旻諾就係我結婚當日既花仔
我細妹YoYo勁鍾意旻諾...上次見完之後就一見難忘..哈哈哈
今次燒雞翼我負責買野飲~~
<--幾盡責..
係等齊人之前我地4條友無無聊聊影下相打發時間...
等左一陣...花仔旻諾終於出現喇...帶住頂冷帽..踩住單車出場
點解旻諾帶冷帽...原來佢剪左個新髮型...仲係Jessica親自操刀.
不過我唔鍾意旻諾呢個新髮型....之前果個斯斯文文幾靚仔呀
我之後就話Jessica做咩剪到旻諾D頭髮咁短...點知Jessica
話係旻諾要求架...係剪頭髮當日旻諾同Jessica講話要剪頭髮
要剪中間前面好短好短既...但係左右兩邊既頭髮要比中間長....
果陣Jessica都唔明旻諾想剪咩髮型..旻諾係咁話剪短D前面
所以Jessica就將佢成個頭剪短哂佢....到隔左幾日..
Jessica同老公同埋旻諾一齊搭lift果陣..有一個地中海男人入
lift...旻諾就指住個男人個頭同Jessica講佢就係想剪呢個頭...
即時笑爆Jessica兩公婆...Jessica老公就話旻諾第時大個仔
就會有呢個頭...唔洗特登剪...哈哈哈...真係笑死我...
小朋友真係可愛....
14/2雄B幾衰呀..話我係佢老婆唔係佢情人
所以唔洗同我慶祝情人節....都唔知有無搞錯..
不過我係唔會理佢架...傻仔....雖然係作為王生王太之後
既第一個情人節..但係都無好特別咁慶祝..因為唔想亂洗錢
所以我叫雄B同我去左最鍾意食果間日本壽司店到食晚飯...
我仲帶埋阿媽阿爸肥豬王...因為佢地都係我既情人黎架..
哈哈哈哈...食完飯之後返到屋企我地就交換禮物...
雄B送左橙色胭脂俾我...個包裝好high class架...
佢問左個sales皮膚白搽咩色好....所以就買左橙色....
岩哂我用呀~~~
而我就送左一件黃色既adidas外套俾雄B....佢竟然話佢自己
皮膚白著黃色唔靚.....車..都未著上身睇下又點知唔襯喎..
著左不知幾型仔....勁似李小龍.....哈哈哈
但雄B就話佢自己係Kill Bill...玩完禮物...
我地兩個就係屋企唱k...無錯...係咪好低能呢...
其實係因為19/2我公司春茗...我老闆迫我參加唱歌比賽
迫人唱歌又唔俾人唱容祖兒....所以我咪叫雄B聽下我唱邊首
歌好D...就係咁樣兩條友一支咪爭左成晚....
終於決定左唱楊千嬅既歌...係咩歌....秘密~~~唔話你知
19/2等我叫同事錄低我比賽既過程再upload俾大家睇啦
14/2王生王太就係咁樣過左佢地結婚之後第一個情人節喇
8/2大年初二....又出動去派利是....
哈哈哈...真係新屎坑三日香.....但係派利是真係好好玩喎..
今日既對象就係我班好姊妹Zoe, Venus, Jessica同埋Co Co
個囝囝Sean B...因為Sean B實在太cutie...所以
我影既相淨係得Sean B...真係對唔住D姊妹喇,....
我一早去迎囍搵位飲茶....等左一個鐘先有位...
之後見到Sean B忍唔住即派利是俾佢....但係Sean B唔係
好想要囉...因為接左我D利是都唔笑下既~~唔通....Sean B
知道封利是入面係cheap野.....哎呀..激死人
簡直有視錢財如糞土既感覺....你地睇下Sean B個表情先啦
完全唔鍾意我封利是.....不過Sean B咁細個..唔識死姐...
佢試下大個D收我封利是唔笑住講多謝...我話俾佢阿媽知
打佢pat pat呀....但係Sean B真係好鬼乖..又cutie
飲茶坐咁耐未喊過...就算佢sleep緊我嘈醒佢都無喊..
俾我地班姐姐fing黎fing去...一粒聲都無出過...
見Sean B你咁乖咁抵錫...我就原諒你一次咁多啦...
真係好鬼死cute架你...希望Sean B你快高長大.身體健康
聰明伶俐...
7/2大年初一...岩岩變成王師奶既我咁快就可以玩派利是..
真係霹靂無敵興奮...我等左好耐架喇~~~呵呵呵呵
我一起身就set左個靚頭..再著件紅噹噹既新衫就出動去派利是
首先梗係要派俾我細妹YoYo同細佬 肥豬王啦....
佢地收到我封利是不知幾開心...簡直有開心到飛上天既感覺..
派完細妹同細佬之後...當然要出動去埋四伯娘屋企
派利是俾d堂細佬妹&表弟啦...各位都知我係大家族既人黎啦
加上今年係我第一年派利是...所以一個都不能派少....
愈派愈開心...仲派到停唔到手...去完四伯娘屋企...
夜晚再去雄B大哥屋企食飯兼派利是.....
雄B大哥整左好多正野俾我地食..有雞..有蝦..有串燒..
雄B大嫂又整椰汁雪蛤糕同印尼千層糕俾我地食...
食到我攬住個肚腩走....話哂係年初一..邊有人咁早SLEEP架
所以我同雄B去左阿Sam屋企開賭檔...仲不出我所料..
一向黑仔既雄B...當然係做輸家啦....算吧啦~~
唔係你財唔入你袋..俾阿Sam贏哂d錢...不過佢贏都岩既..
因為我知道左阿Sam同吳C奶既秘密...呢個秘密真係要洗
好多錢...今次連雄B都有份投資...吳C奶唔該將個秘密
契俾我呀~~~哈哈哈
身為天主教徒既我..結婚當然要去教堂啦...
好多謝各位親戚朋友同學同事教友俾面出席觀禮...
我真係霹靂無敵超級開心~~
原來係教堂結婚..真係好感動架....由行入教堂,宣誓,簽紙..
真係又開心又感動...完全感受到天父對我既恩寵....
雖然教堂既程序得30分鐘....但係我又喊又笑廿幾次...
真係好刻骨銘心~~簡直有d童話feel....哈哈
我好鍾意下面呢張相....呢個位班兄弟姊妹幫我佈置得好靚...
化妝師幫我化完個靚樣之後..我當然要同D姊妹影下相先啦... D姊妹真係好幫得手..個個仲扮到彩雀咁靚....加上係咁凍既天氣 都唔介意露香肩....哈哈...係班靚姊妹襯托之下.... 我真係靚上加靚...簡直有10個靚咁靚呀~~呵呵呵 佢地幫我負責玩新郎雄B同班兄弟....D道具都唔野少架.. 哈哈哈...仲唔玩殘你班兄弟....哎呀...張相影到我係玩殘班兄弟 既主謀添....等我講下接新娘既遊戲啦 (1)新郎雄B要頭帶七彩龍珠頭假髮...個身要夾住一塊紅布 塊布上面寫住"我愛A2402 Cecilia" ,遊戲就係要新郎 係新娘屋企留下搵5個街坊講祝福既說話,仲要引導街坊 講中"永結同心"先至得....雄B一帶個七彩龍珠頭假髮即 刻變左個癲佬,...嚇到我屋企留下個傻婆都驚左佢掉頭走 (2)雄B同班兄弟要only用口接姊妹拋既棉花糖...當然D棉花糖 唔係平時既棉花糖啦...哈哈..我加左料架..有甜酸苦辣4隻 味.. 甜=砂糖, 酸=檸檬, 苦=苦瓜, 辣=wasabi.... 雄B加埋D兄弟一共要食9粒先算過關...雄B食中左一粒 wasabi味...d眼淚同鼻涕即刻標哂出黎...其中伴郎食食 下棉花糖連我姊妹Venus隻手都想食埋呀 (3)雄B要赤腳玩"一索得男"既遊戲...其實應該係"一索得南" 因為雄B要赤腳係個有冰同凍水既盆入面,要蒙住眼用腳指 夾麻雀, 要夾"一索"同埋"南"...我擺左一副13么落去 個盆到..哈哈....十幾隻夾到雄B嗌救命~~ (4)最後梗係要讀"愛的宣言"..好多謝姊妹Zoe幫我整左個 毛毛"愛的宣言"...真係好鬼靚呀~~
